धुळे : घर भाडयाने दिले नाही एवढया क्षुल्लक कारणावरुन राजीव गांधी नगर येथे राहणारा रविंद काशिनाथ पगारे वय २८ वर्ष याचा भरवस्तीमध्ये त्याच्या आई, मुलगा व पत्नी यांच्यासमक्ष चाकूने भोसकून निघृण खून करणा-या जय उर्फ दादा वाल्मीक मोरे यास धुळे येथील सत्र न्यायाधीश डॉ. श्री. एफ. ए. एम. ख्वाजा साहेब जन्मठेपेची शिक्षा ठोठावली विशेष बाब म्हणजे सदर प्रकरणात आरोपीस खटल्याचा निकाल लागे पर्यंत जामीन देण्यात आला नव्हता व सदरचा खटला अंडर ट्रायल चालविण्यांत आला.
घटनेची थोडक्यांत हकीकत अशी की, राजीव गांधी नगर येथील राहणारा सराईत गुन्हेगार याच्यावर मारहाण करणे, दरोडा टाकणे व बलत्काराचे गंभीर खटले असलेला आरोपी जय मोरे यांस राजीव गांधी नगर येथील भटू पगारे याचे घर भाडयाने पाहिजे होते, परंतु त्यांस ते घर भाडयाने न देता ते दुस-यांस भाडयाने दिले व जय मोरे यांस कंटाळून भटू पगारे हा मोराने येथे राहण्यांस निघून गेला होता. त्या गोष्टीचा राग येवून दिनांक २०/१२/२०२१ रोजी सायंकाळी ६.०० वाजेचे सुमारांस आरोपी जय मोरे हा भटू पगारे याचा भाऊ रविंद्र पगारे याचे कडे गेला. त्यावेळेस रविंद्र याची पत्नी ही तिचा लहान बाळ सिध्दु यांस दुध पाजत होती. व मोठा मुलगा प्रथमेश हा जवळच उभा होता त्याचप्रमाणे रविंद्रची आई निलाबाई ही अंगणांतच बसलेली होती. त्यावेळेस जय याने रविंद्र यांस शिवीगाळ केली व विजारीतून चाकू बाहेर काढला व कोणाला काही समजण्यांच्या आंत रविंद्र यांच्या छातीत खुपसला व तेथून तो पळून गेला.
जखमी अवस्थेत रविंद्र यांस औषधोपचारासाठी सिव्हील हॉस्पीटल धुळे येथे नेले असता उपस्थित वैद्यकिय अधिकारी यांनी तपासणी करून रविंद्र यांस मयत घोषीत केले. सदर बाबतीत त्यांच दिवशी मयताची पत्नी कविता रविंद्र पगारे हिने आरोपी जय विरूध्द धुळे शहर पोलीस स्टेशन भा. दं. वि. कलम ३०२ अन्वये गुन्हा दाखल केला. सदरच्या गुन्हयाचा तपास सहा पोलीस निरीक्षक श्री संतोष प्रभाकर तिगोटे यांच्या कडे सोपविण्यांत आला.
सपोनि तिगोटे यांनी उत्कृष्ट असा तपास करत तात्काळ आरोपीस अटक केले. व सोबतच मयत फिर्यादी आरोपी यांच्या अंगावरील रक्ताने माखलेले कपडे, त्याच प्रमाणे गुन्हयात वापरलेला हत्यार चाकू, जे आरोपीने लपवून ठेवले होते ते जप्त करून न्यायालयांत दाखल केले. साक्षीदारांचे जाबजबाब नोंदवून घटनेचा सखोल तपास करत मा. न्यायालयांत आरोप पत्र दाखल केले.
आरोप निश्चीती नंतर सदरचा खटला धुळे येथील मा. सत्र न्यायाधीश डॉ. श्री. एफ.ए.एम. ख्वाजा साो. यांच्या न्यायालयांत सुनावणी सुरू झाली. त्यांत सरकार पश्चातर्फे जिल्हा सरकारी वकील श्री. देवेंद्रसिंह योगेंद्रसिंह तवर यांनी प्रत्यक्षदर्शी साक्षीदार सागर भट्ट पगारे, मयताची आई निलाबाई पगारे, व पत्नी कविता पगारे यांच्यासह शव विच्छेदन करणारे डॉ. कांबळे, पंच साक्षीदार राकेश मोरे, नितीन देवरे व तपासी अंमलदार सहा. पोलीस निरीक्षक श्री संतोष प्रभाकर तिगोटे यांच्या महत्वपुर्ण साक्षी मा. न्यायालयासमोर नोंदवण्यांत आल्यां.
सदरच्या खटल्यात सरकारपक्षातर्फे युक्तीवाद करतांना जिल्हा सरकारी अभियोक्ता अॅड. देवेंद्रसिंह योगेंद्रसिंह तवर, यांनी प्रत्यक्षदर्शी साक्षीदाराची साक्ष व इतर तपासण्यात आलेल्या साक्षीदाराची साक्ष तसेच अभिलेखावर असलेल्या रासायनिक विश्लेषनाचे अहवाल व आलेल्या पुराव्याच्या अनुषंगाने मा. सर्वोच्च न्यायालयाने दिलेल्या निकालांचा आधार घेत आरोपीस जन्मठेपेची शिक्षा देण्यात यावी, तसेच घटना घडली त्यावेळेस मयत हा महानगर पालीका धुळे येथे घंटागाडीवर कामास होता. त्याच्यावर त्यांची पत्नी कविता, ६ महिन्याचे बाळ सिध्दु, ७ वर्षाचा मुलगा प्रथमेश तसेच म्हातारे आई, वडील यांच्या पालन पोषनाची जबाबदारी व कर्त्या पुरूषाचा खून झाल्यामुळे सर्व कुटुंब रस्त्यावर आले असल्याचे मा. न्यायालयाचे निर्देशनास आणून दिले व त्यामुळे मयताच्या कुटुंबास जिल्हा विधी सेवा प्राधीकरण यांचेमार्फत योग्य तो आर्थिक भरपाईचा आदेश व्हावा असा प्रखर युक्तीवाद करण्यांत आला.
सदर कामात मा. जिल्हा व सत्र न्यायाधिश साो २ डॉ. श्री. एफ. ए. एम. ख्वाजासाहेब यांनी सदर खटल्यातील असलेल्या संपुर्ण पुराव्यांचा, युक्तीवादाचा व मा. सर्वोच्च न्यायालयाने दिलेले निकालांचा सांगोपांग विचार करुन आरोपीस भादवि कलम ३०२ अन्वये जन्मठेपेची शिक्षा तसेच दहा हजार रुपयाचा दंड, तसेब दंड न भरल्यांस ६ महिन्याचा सश्रम कारावासाची शिक्षा चा आदेश पारीत केला. व त्याच प्रमाणे विधी सेवा प्राधीकरणान यांना आदेशीत केले की, मयतावर अवलंबून असलेल्या लोकांची योग्य ती आर्थिक भरपाई करावी.
सदर कामी तपासी अंमलदार सहा. पोलीस निरीक्षक श्री संतोष प्रभाकर तिगोटे यांनी उत्कृष्ठ तपास केला. सरकार पक्षातर्फे जिल्हा सरकारी वकील श्री. देवेंद्रसिंह योगेंद्रसिंह तवर यांनी कामकाज पाहिले. त्यांना अॅड. मयुर वैसाने, अॅड. अमर सिसोदिया, तसेच पैरवी अधिकारी श्री. एल. आर. कदम पो हे कॉ व समन्वय अधिकारी पोलीस उप निरीक्षक श्री. कुष्णा वासुदेव पाटील यांचे सहकार्य लाभले
