वन विभागाने रचला सापळा आरोपी परार
जंगलातील हरणांचे शिकार करुन त्यांच्या मांसाची विक्री करीत असल्याची गुप्त माहिती मिळाल्यानुसार, वनविभागाच्या कर्मचाऱ्यांनी आज ३० एप्रिलच्या पहाटे चारच्या सुमारास बिलाखेड गावाजवळ सापळा रचुन मिळालेल्या माहीतीनुसार संबंधित वाहनाची वाट पाहत असताना, एम. एच. ४१ सी ९६९१ या क्रमांकाची इनोव्हा कार वन विभागाच्या पथकाला चाळीसगाव-धुळे बायपास रस्त्यावरुन छत्रपती संभाजीनगरकडून धुळेकडे भरधाव वेगाने जात असताना दिसली असता
वन विभागाच्या कर्मचाऱ्यांनी इनोव्हाला हात देऊन ती थांबविण्याचा इशारा केला. मात्र, इनोव्हा कार धुळेच्या दिशेने भरधाव वेगाने निघाली. त्यामुळे सर्व कर्मचाऱ्यांचा संशय बळावल्याने वनपरिक्षेत्र अधिकारी शितल नगराळे यांच्या सुचनेनुसार सर्वांनी इनोव्हाचा पाठलाग सुरु केला. इनोव्हा कार पुढे व वन विभागाची गाडी मागे चाळीसगाव ते धुळे असा साधारण ५५-६० कि.मी.वनविभागाचे पथक पाठलाग करीत होते. अखेर धुळे शहरात आल्यानंतर अचानक इनोव्हा चालकाने थांबवली व आपला पाठलाग सुरु असल्याचे लक्षात आल्याने इनोव्हामधील पाच जण कार सोडून फरार झाले. वन विभागाच्या पथकाने इनोव्हा कारची तपासणी केली असता, त्यात पाच हरणे मृतावस्थेत आढळून आले. ज्यात दोन नर व तीन मादींचा समावेश आहे. शिकारींनी पाचही हरणांची शिकार करुन त्यांचे पोट फाडून आतील घाण काढून टाकल्याचे लक्षात आल्याने या हरणांचे मांस विक्री करण्याचा शिकारींचा उद्देश स्पष्टपणे दिसून आला. पाचही हरणांच्या शरीरावर कुठल्याही जखमा आढळून आल्या नाहीत. फरार शिकारींचा वनविभाग शोध सुरु केला असुन ही कारवाई उप वनसंरक्षक प्रवीण ए. व सहाय्यक वन संरक्षक उमेश बिरासदार यांच्या मार्गदर्शनाखाली वनपरिक्षेत्र अधिकारी शीतल नगराळे तसेच चंद्रशेखर पाटील, ललित पाटील, अजय महिरे, काळू पवार, रवींद्र पवार, भटू अहिरे, संजय गायकवाड, समाधान मराठे यांनी केली.
