धुळे : विरोधी पक्ष नेते अंबादास दानवे यांच्या तक्रारीवरून धुळ्यात आरोग्य यंत्रणा अलर्ट विधान परिषदेचे विरोधी पक्ष नेते अंबादास दानवे यांच्या तक्रारीवरून सदर कारवाई केली असली तरी जिल्ह्यातील आरोग्य यंत्रणा करताय तरी काय? असा प्रश्न आता उपस्थित केला जात आहे.
विधानपरिषदेचे विरोधी पक्षनेते अंबादास दानवे यांनी धुळे शहरातील मोहाडी उपनगर येथे एका खासगी रुग्णालयात अनधिकृत पणे गर्भपात होत असल्याची तक्रार जिल्हा शल्यचिकित्सक यांच्याकडे केली होती यानंतर काल रात्री उशिरा धुळे जिल्हा शल्यचिकित्सक डॉ. दत्ता देगावकर यांच्या मार्गदर्शनाखाली आरोग्य अधिकाऱ्यांनी सापळा रचत संबंधित डॉ.भानुदास पाटील (शिंदे) यांच्या महालक्ष्मी क्लीनिक येथे छापा टाकला असता या ठिकाणी गर्भपात करण्यासाठी वापरल्या जाणाऱ्या औषधे आढळून आली… दरम्यान रात्री उशिरापर्यंत आरोग्य अधिकाऱ्यांनी कायदेशीर कारवाई करत मोहाडी पोलीस ठाण्यात याप्रकरणी गुन्हा दाखल केला आहे…
विरोधी पक्ष नेते अंबादास दानवे यांच्या तक्रारीचे पत्र प्राप्त होतात येथील आरोग्य यंत्रणा खडबडून जागी झाली व त्यानंतर त्यांनी गेल्या दोन दिवसापासून या भानुदास पाटील (शिंदे) यांच्या महालक्ष्मी क्लिनिकवर पाळत ठेवून होते या संदर्भात सदर डॉक्टरांच्या पथकाने स्टिंग ऑपरेशन करीत डमी पेशंट त्या ठिकाणी पाठवल्यानंतर हा सगळा प्रकार समोर आला. यानंतर काल रात्री उशिरापर्यंत सदरची कारवाई सुरू असल्याची देखील माहिती जिल्हा शल्यचिकित्सक डॉ. दत्ता देगावकर यांनी यावेळी दिली…
